17-20 кастрычніка 2022 года ў Санкт-Пецярбургу адбыўся XIV Бібліяфорум "Інфармацыйныя тэхналогіі ў медыцынскіх бібліятэках – 2022", арганізаваны Асацыяцыяй медыцынскіх бібліятэк (АМБ) сумесна з Расійскім дзяржаўным педагагічным універсітэтам ім. А.І. Герцэна на яго пляцоўцы.

У форуме прынялі ўдзел больш за 100 кіраўнікоў і вядучых спецыялістаў з Расійскай Федэрацыі, Узбекістана, Казахстана і Беларусі. Нашую краіну прадстаўлялі загадчыкі бібліятэк Гродзенскага і Віцебскага медыцынскіх універсітэтаў Лукашэвіч Л.С. і Красікава А.Р.

У 0-ы дзень удзельнікі бібліяфоруму наведалі 2 СМАРТ-бібліятэкі: гарадскую бібліятэку ім. В.У. Маякоўскага і Арт-рэзідэнцыю «ШКАФ», якія паспяхова рэалізавалі інавацыйныя тэхналогіі.

1-3 дні форуму прайшлі насычана, з выкарыстаннем розных фарматаў: даклады і паведамленні, марафон кейсаў, інтэрв'ю, дзелавыя гульні і дэбаты.

Загадчыца бібліятэкі ВДМУ А.Р. Красікава прыняла актыўны ўдзел у працы 2-х пляцовак бібліяфоруму: стала ўдзельнікам дзелавой гульні "Неідэальныя кадры", а таксама выступіла з паведамленнем у марафоне кейсаў па пытанні інтэграцыі электронных інфармацыйных рэсурсаў бібліятэкі і сістэмы дыстанцыйнага навучання.

Алена Рыгораўна адзначыла важнасць і эфектыўнасць прафесійных зносін і абмену вопытам, якія садзейнічаюць укараненню ў працу бібліятэкі лепшых практык.

1

44