26 кастрычніка супрацоўнікі бібліятэкі ВДМУ прынялі ўдзел у абласной навукова-практычнай канферэнцыі “Лічбавая трансфармацыя бібліятэк устаноў вышэйшай адукацыі”, якая праходзіла на базе навуковай бібліятэкі ВДУ ім. П.М. Машэрава.

На канферэнцыі абмяркоўваліся пытанні выкарыстоўвання нейрасетак у бібліятэчнай дзейнасці, работы бібліятэк у сацыяльных сетках, фарміравання інфармацыйнай культуры карыстальнікаў, лічбавай бібліяграфіі і інш.

Бібліятэка ВДМУ прадставіла 4 даклады:

• вядучага бібліятэкара Навадворскай А.У. Сацыяльныя сеткі: кароткі шлях да чытача (на прыкладзе работы бібліятэкі ВДМУ ў Інстаграм);
• загадчыка інфармацыйна-бібліяграфічнага аддзела Старавойтавай Н.І. "База даных "Выкладчыкі Віцебскага медыцынскага інстытута на франтах Вялікай Айчыннай вайны" – рэсурс па ўвекавечанні ўкладу супрацоўнікаў у Вялікую Перамогу";
• вядучага бібліятэкара Гнідзенку А.У. “Выклад дысцыпліны “Асновы бібліятэказнаўства, бібліяграфіі і інфармацыйнага пошуку дакументаў” на англійскай мове ў ВДМУ”;
• інжынера-праграміста 1 катэгорыі Казловай Л.У. "Аўтаматызацыя ўнутраных тэхналагічных працэсаў бібліятэкі ВДМУ сродкамі АБІС MARC SQL 1.17".

Канферэнцыя садзейнічала абмену вопытам і павышэнню кваліфікацыі бібліятэчных спецыялістаў.

Супрацоўнікі бібліятэкі ВДМУ дзякуюць арганізатарам канферэнцыі за прадстаўленую магчымасць прафесійных зносін.

117-2.jpg

117-3.jpg

117-4.jpg