Дарагія калегі, віншуем нас з цудоўным юбілеем – 90-годдзем з дня заснавання ўніверсітэта! Гэты час напоўнены дасягненнямі, адкрыццямі і выбітнымі асобамі, якія ўнеслі неацэнны ўклад у развіццё медыцыны і аховы здароўя.

Асаблівае значэнне мае літаратура, створаная выкладчыкамі нашага ўніверсітэта. Іх працы не толькі ўзбагачаюць навуковую супольнасць, але і служаць надзейнай крыніцай ведаў для студэнтаў і практыкуючых лекараў. Гэтыя кнігі і артыкулы фарміруюць асновы медыцынскай адукацыі ў краіне і натхняюць новыя пакаленні на даследаванні і адкрыцці.

У сувязі з гэтым, у гэтыя святочныя дні мы рады прадставіць вам работы ўдзельнікаў конкурса буктрэйлераў "PROчытайVSMU", прысвечанага 90-годдзю ВДМУ.

Пераможцамі конкурса сталі:

1 катэгорыя:

• Салаўёва Таццяна - студэнтка 2 курса лячэбнага факультэта;
• Афанасьеў Ян, Джанаян Алёна – студэнты 2 курса, педыятрычнага факультэта.
  
  

2 катэгорыя:

• Янкоўскі Мікіта – студэнт 2 курса лячэбнага факультэта;
• Аўтарскі калектыў студсавета лячэбнага факультэта - Яновіч Дар'я, Сляпцоў Павел, Кунцэвіч Марына, Юлькевіч Уладзіслаў, Самусеў Іван, Чудноўская Крысціна, Кандраценка Ксенія, Астроўскі Аляксей, Марозава Ганна, Дарашэнка Валерыя.
  
  

3 катэгорыя:

• Чарнышова Ганна, Бутманава Таццяна – супрацоўнікі бібліятэкі.
  
  

Усе конкурсныя работы можна паглядзець на Ютубе. Спасылка на плэйліст - https://youtube.com/playlist?list=PLPVFponoZl2IWpdzOHATpHHVgozZhnTi7&si=NbSwX-_K4rPSM_Gr

Нагадаем, што удзельнікі конкурса павінны былі стварыць відэаролік пра кнігу, якую напісаў выкладчык нашага ўніверсітэта. У конкурсе прынялі ўдзел як студэнты, так і супрацоўнікі, і кожны буктрэйлер стаў сапраўдным творам мастацтва, поўным арыгінальных ідэй і крэатыўных рашэнняў. Удзельнікі паказалі, як можна займальна расказаць пра літаратуру, і гэта сапраўды натхняе!

Мы шчыра дзякуем усім удзельнікам за іх старанне і захопленасць, а таксама за падтрымку і цікавасць да літаратуры.

Конкурс буктрэйлераў "PROчытайVSMU" стаў важнай падзеяй у рамках святкавання 90-гадовага юбілею нашага універсітэта, падкрэсліваючы значнасць літаратуры, створанай выкладчыкамі. Таксама спрыяў папулярызацыі інтэлектуальнай працы ўніверсітэта і стварыў прастору для творчага самавыяўлення студэнтаў, дазваляючы ім глыбей зразумець і ацаніць працы сваіх настаўнікаў.

Мы ўпэўненыя, што падобныя мерапрыемствы будуць працягваць натхняць і аб'ядноўваць нашу ўніверсітэцкую сям'ю, спрыяючы адукацыйнаму і культурнаму прагрэсу.

Аўтар: Лоскутава Юлія – галоўны бібліятэкар