30 кастрычніка 2024 года супрацоўнікі бібліятэкі ВДМУ прынялі анлайн удзел у першай практычнай канферэнцыі (з міжнародным удзелам) “Медыяадукацыя ў бібліятэчнай сферы”. Загадчык бібліятэкі А.Р. Красікава выступіла з дакладам “Удзел універсітэцкай бібліятэкі ў фарміраванні інфармацыйнай культуры карыстальнікаў (на прыкладзе бібліятэкі Віцебскага дзяржаўнага медыцынскага ўніверсітэта)”.

Ключавыя тэмы, якія таксама былі разгледжаны на канферэнцыі:

• Інфармацыйная культура: досвед фарміравання ва ўмовах бібліятэк..
• Медыяцэнтры і медыяадукацыйныя праекты бібліятэк..
• Педагагічны досвед фарміравання медыяграматнасці.
• Штучны інтэлект: практыка выкарыстання.
• Інфармацыйная і медыябяспека.
• Крытычнае мысленне і фактчэкінг.

У мерапрыемстве прынялі ўдзел спецыялісты бібліятэк, педагогі і эксперты ў галіне медыя, якія сумесна абмяркоўвалі перспектыўныя напрамкі развіцця медыяадукацыі ў бібліятэчнай прасторы.

Канферэнцыя была прымеркавана да Глабальнага тыдня медыйнай і інфармацыйнай пісьменнасці, які праходзіў з 24 па 31 кастрычніка 2024 года.