29 мая, напярэдадні Сусветнага дня без тытуню (31 мая), у бібліятэцы адбылася прафілактычная акцыя «Чытай! Дыхай! Жыві!».

Супрацоўнікі бібліятэкі, студэнты і выкладчыкі маглі прыняць удзел у інтэрактыве: на спецыяльных картках кожны пісаў сваю асабістую прычыну адмовы ад курэння або даваў параду тым, хто толькі збіраецца развітацца са шкоднай звычкай. За некалькі хвілін сабрана больш за 50 шчырых адказаў – ад прагматычных («эканомія бюджэту») да натхняльных («хачу ўбачыць, як вырастуць мае дзеці»).

Найбольш частыя парады ўдзельнікаў:

-знайсці любімы спорт, хобі;

-палічыць, колькі грошай ідзе на цыгарэты ў год;

-жаданне быць энергічным лекарам, а не задыхацца на ўсходах.

Бібліятэка ВДМУ нагадвае: у фондзе бібліятэкі ёсць літаратура, якая дапаможа зрабіць першы крок да адмовы ад курэння. Кнігі, брашуры і перыядычныя выданні па прафілактыцы тытунекурэння даступны ўсім чытачам.

Ваша здароўе – у вашых руках. Прыходзьце, чытайце, беражыце сябе і будзьце здаровыя!

IMG_20260529_111926

IMG_20260529_110108

IMG_20260529_112921

IMG_20260529_113134