Паважаныя чытачы!

Рады паведаміць вам, што бібліятэка ВДМУ стала ўдзельнікам міжнароднай ініцыятывы RSCVD, якая дае доступ да навуковых публікацый і матэрыялаў для даследаванняў праз бясплатную службу дастаўкі дакументаў.

RSCVD (“Resource Sharing Collaborative and Voluntary Document Delivery”) – гэта ініцыятыва, створаная членамі Камітэта ІФЛА (Міжнародная федэрацыя бібліятэчных асацыяцый і ўстаноў) па дастаўцы дакументаў і сумесным выкарыстанні рэсурсаў. Праект быў створаны ў адказ на абмежаванні доступа да навуковай інфармацыі, выкліканыя фінансавымі бар'ерамі і зачыненымі архівамі. Асноўная мэта ініцыятывы - забяспечыць доступ да артыкулаў і даследаванняў для адукацыйных і навуковых мэт.

Калі вам неабходны канкрэтны артыкул з Pubmed, Web of Science, Scopus ці іншай сістэмы, якая індэксуе публікацыі, і яе няма ў адкрытым доступе, вы можаце даслаць запыт на пошту бібліятэкі (Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.). Мы звяжамся з удзельнікамі ініцыятывы, і, калі артыкул даступны, дашлем яго Вам у найкарацейшыя тэрміны.