Супрацоўнікі бібліятэкі прынялі ўдзел у 20-й Міжнароднай навукова-практычнай канферэнцыі "Менеджмент бібліятэк ВНУ» ў рэжыме анлайн 8-9 снежня 2020 г.

Тэма 2020 года: "Бібліятэка ў лічбавам асяроддзі універсітэта: фарміруем будучыню сёння".

Абмяркоўваліся наступныя пытанні:

• роля бібліятэк у развіцці лічбавай навуковай інфраструктуры (электронныя бібліятэкі, выдавецтвы, часопісы, архівы, інстытуцыйныя рэпазітары);
• фарміраванне інфармацыйнай і медыя-пісьменнасці;
• адкрытая навука і адкрыты доступ;
• паслугі і рэсурсы для адукацыі, навукі і інавацый;
• удзел у распрацоўцы і рэалізацыі мер па паляпшэнню паказчыкаў універсітэта ў сусветных рэйтынгавых сістэмах.

Дакладчыкамі выступілі беларускія і замежныя эксперты ў пытаннях навуковай камунікацыі, навуковай інфармацыі, адкрытай навукі і адкрытага доступу, лічбавай навуковай інфраструктуры і інш.